پیر حاجی صاحب سعید فیضوی، الحسنی، الحسینی، الحیدری،  نوراللہ مرقدہ ۔ بھاولنگر میں، اس خطہ کی روحانی ، دینی ، سماجی شخصیت جن کی زندگی تبلیغ اسلام و روحانی نور کو اپنے مریدوں می صرف کرنے میں گزری, اب اُن کے بیٹے اور مریدین انتہائی گہری عقیدت اور وفاداری سے ان کے انسانیت اور خدمت کے پیغام سے جُڑے ہوٸے ہیں۔ آپ اللہ سبحان و تعالی کے احکامات و نبی احمد صلی اللہ علیہ وسلم و پنجتن پاک کی محبت و مودت مخلوقِ خدا میں تاحیات بانٹتے رہے۔ اور مسلسل ان کے فلاح و بہبود کے ورثے یعنی خدمتِ خلق اور انسان دوستی کے کام کو آگے بڑھا رہے ہیں۔ جس کا منبع وہ خود ہیں۔ اور ساری عمر جس کے داعی رہے۔ ان سب میں اُن کے صاحبزادے سیّد محمد حسنین الباقری اپنی انتھک انسانیت اور معاشرے کی خدمت کی کوششوں کو بڑے احسن انداز سے جاری وساری رکھّے ہوٸے ہیں۔ سیّد محمد حسنین الباقری اپنی تعلیمی خدمات ، صحت مند معاشرے اور اِس( کاز) کو زور و شور سے سعید تاج فاونڈیشن کے ذریعے جاری رکھے ہوے ہیں۔ اور اس عظیم کام سے دل و جان سے جڑے ہوے ہیں۔ جو پیر حاجی سعید صاحب کا مشن تھا۔ اپنے والد صاحب کی تعلیمات جذبہ خدمت خلق کو اپنی زندگی کا مقصد بناے ہوٸے ہیں۔ حاجی سعید صاحب نے لاتعداد لوگوں کو علم کی روشنی عقلیت پسندی اور بے مقصدیت اور جہالت کے گڑھے سے لوگوں کو نکال کر معاشرے میں ایک باوقار انسانیت کا درس دیتے رہے۔ ان سب کی یہ مشترکہ کاوشیں ، یعنی ایک اعلٰی سماج کو پروان چڑھانا ، باہمی تعاون کی فضا اور ماحول جس میں سب کے لیے آسانی اور اعلی زندگی گزارنے کے مواقع ہوں اور اس وراثت کی تبلیغ ہے جو اپنے والد صاحب کی روح کو تسکین کا باعث ہو آمین۔ اب ”روڈ 512 ” جو کے ایک خالص خدمت انسانیت و روحانیت کا ادارہ ہے۔ جو سیّدحسنین الباقری خود چلا رہے ہیں۔ اور اس اعلی مشن کے لیے اپنی زندگی وقف کیے ہوٸے ہیں۔ انھوں نے اس میں ویب ساٸیٹ قاٸم کی ہے۔ جوکہ لاتعداد معیاری اسلامی اصلاحی و روحانی کتب پہ مشتمل تمام لوگوں تک رساٸی ہو گی۔ جن میں علمیت کا بیش بہا خزانہ ہے۔ اور یہ اسی کام کا تسلسل ہے جو جناب حاجی سعید صاحب فیضوی نور اللہ مرقدہ نے ساری عمر سرانجام دیا اور یہی ورثہ حاجی صاحب کے صاحبزادے عظیم مشن کے طور پر مزید آگے بڑھا رہے ہیں۔ اللہ ان کا حامی و ناصر ہو۔ آمین ثم آمین۔